عشرة فوائد للواقي الذكري

في حجات كتيرة اوي ممكن الواحدة تعملها بالكوندوم أو الواقي الذكري:

1- ممكن تربطي بيه شعرك

2- تحطيه على سماعة تليفون عام عشان يحميك من الجراثيم

3- تستخدميه في الحمام على راسم عشان شعرك مايتبلش (وده يتطلب صياعة معينة)

4- تغطي بيه فرشة سنانك وانت مسافرة عشان ماتتوسخش

5- تلبسيه على صوابعك وتعمليه عرائس صوابع

6- تستخدميه لنقل شامبو أو بلسم بكمية صغيرة وانت مسافرة

7- تلبسيه على صوابع في الشتا عشان تدفي

8- تنفوخيه بلالين وتزيني بيه البيت

9- تحشيه حجارة صغيرة وتبطحي بيه حد في حالات الطوارئ

10- بس الأهم والأخطر انك تلبسيه لأي راجل عايز ينام معاكي

ومن هنا نيجي لسؤال، ليه لازم الراجل يلبس كوندوم قبل ما تناموا سوا:

· لانه اكتر وسيلة منع حمل مالهاش اعراض جانبية واستخدامه بشكل صحيح ومنتظم بيمنع الحمل بشكل كبير.

· لانه كمان بيحميكي من تقريباً جميع الأمراض اللي ممكن تتنقل من العلاقات الجنسية زي الايدز والزهري وأمراض اخرى اللي ممكن الواد الفتك اللي معاكي يبقى مريض بيها ومش بيقولك، أو مريض بيها ومش عارف !!

· لانه سهل الاستخدام ورخيص ومتوافر في كل الصيدليات تقريباً.

· ولانه بيثب لك اذا كان الشخص اللي قدامك متحمل المسؤولية ولا لأ.

كتير من الرجالة بيرفضوا يلبسوا كوندوم لانه في بعض الحالات بيقلل من متعتهم أو بيصعب عليهم الانتصاب أو بيأخر عمليه القذف اللي طبعاً بيبقى ممتع أكتر للستات ومناسب للرجالة سريعة القذف. وفي بعض الرجالة بيعتبروا ان لبس الواقي ده مش للرجالة اللي زيهم وان الست هي اللي لازم تتصرف!! وفي الحالات دي الحل الوحيد هو الضرب بالجزمة والطرد برة البيت!

ده فيديو تعليمي/ تنكيتي عن كيفية استخدام الواقي الذكري